Patay ang tatlong miyembro ng New People’s Army makaraang maka-engkuwentro ng militar sa bayan ng Bato, Camarines Sur.
Ayon kay Southern Luzon Command Chief Lt/Gen. Danilo pamonag, maliban sa mga nasawi, lima rin sa mga rebelde ang naaresto ng militar.
Gayunman, wala aniyang naitalang sugatan sa panig ng pamahalaan sa kasagsagan ng bakbakan na umabot ng isang oras at kasalukuyan pang hinahabol ang mga nakatakas na rebelde.
Bagama’t suportado nila ang pagbabalik ng usapang pangkapayapaan sa pagitan ng pamahalaan at ng mga rebelde, sinabi ni Pamonag na hindi naman sila makapapayag na manggulo ang mga ito.