Tatlo pang miyembro ng Maute Terror Group ang nasakote ng mga otoridad sa Cagayan de Oro City.
Ayon kay Padilla, sinalakay ng mga otoridad ang tinitirhan ng mga suspek na sina Gazim Mantawazi Abdullah, Tahera Romato Taher at Monalisa Romato alyas Monay kaninang madaling araw sa Barangay Macasandig.
Si alyas Monay ang sinasabing pumalit na matriarch ng mga Maute matapos na maaresto si Faharna noong nakalipas na buwan.
Dagdag ni Padilla, kasama sa financial network ng Maute Group si Monay at maraming koneksyon sa mga dayuhang nagpopondo sa teroristang grupo.
Nakuha rin sa mga suspek ang apat na granada at ilang mga gamit sa paggawa ng bomba.
Samantala, sumasailalim na sa masusing imbestigasyon ang mga nadakip na mieyembro ng Maute Terror Group.
By Krista De Dios | With Report from Aileen Taliping