Sumampa na sa 23 miyembro ng Bangsamoro Islamic Freedom Fighters ang napapatay habang nasa 20 iba pa ang sugatan sa dalawang araw na bakbakan sa Datu Saudi Ampatuan, Maguindanao.
Ayon kay Lt. Col. Gerry Besana, spokesman ng Joint Task Force Central, Huwebes, Marso 8 nang sumiklab ang sagupaan sa pagitan ng militar at BIFF sa Barangay Lower Salbu.
Ginamitan na aniya nila ng air assets ang mga kalaban para mapilay ang pwersa ng mga ito.
Sa panig naman ng militar, isang sundalo ang nasugatan na kinilala lamang na si Private First Class Molato.