Dead on the spot ang dalawang tao sa pamamaril sa Barangay New Isabela, Tacurong, Sultan Kudarat.
Nakilala ang mga nasawi na sina Macalimbang Ugali Sacandal at Jumuel Mastura Utto samantalang sugatan ang Department of Environment and Natural Resources o DENR employee na si Lagaig Utto Sacandal.
Ayon sa Tacurong City PNP, kumakain ang mga biktima nang biglang pasukin ng mga suspek na umano’y kaanak din nila at kaagad pinaputukan.
Matapos ang krimen, mabilis na pinaharurot ng mga suspek kanilang motorsiklo at patuloy na tinutugis ng mga awtoridad.
Rido o away sa pamilya ang isa sa mga tinututukang anggulo ng Tacurong Police sa naturang insidente.
—-
