Inihayag ni Presidential Spokesman Harry Roque na hindi magtatagal ay magiging available na ang Pfizer COVID-19 vaccine sa merkado.
Ito ay matapos na bigyan ng “full approval” ng Food and Drug Administration (FDA) sa Estados Unidos ang nasabing bakuna.
Aniya, ang full approval ng Pfizer ay makapagpapabilis sa approval process ng FDA ng Pilipinas na gawin itong available para sa commercial use sa bansa.
Sinabi pa ni Roque na darating ngayong araw ang 362,700 doses ng Pfizer COVID-19 vaccine na binili ng gobyerno. —sa panulat ni Hya Ludivico
