Dead on the spot ang 2 Overseas Filipino Workers (OFWs) makaraang bumangga ang sinasakyang van sa isang trailer truck sa Mesaieed-Salwa Road malapit sa Al Kharara, Qatar.
Kinilala ang mga nasawi na sina Ysrael Villamarin Cenine at Reynel Anonceivo.
Dalawa pang Nepalese national ang kasamang nasawi sa insidente samantalang sugatan ang dalawa pang Nepalese at dalawa pang OFW’s na nakilalang sina Bernard Nacasukit Teuis at Chrisopher Coliatano Cleofe.
Nadala naman agad sa Wakra Hospital ang mga biktima, gamit ang helicopter ambulance subalit wala nang buhay ang apat sa mga sakay ng van.
Nakatakdang magsagawa ng imbestigasyon ang mga otoridad sa Qatar upang matukoy kung paano nagsimula ang aksidente.
By Len Aguirre | Kevyn Reyes
