Ipatutupad ng Philippine National Police o PNP ang zero tolerance policy sa pagpapatupad ng mga batas trapiko sa EDSA.
Tiniyak ito ni Supt. Oliver Tanseco, Spokesman ng Highway Patrol Group (HPG) sa gitna na rin ng mga paghahanda para sa pagmando nito sa trapiko sa EDSA simula sa Lunes.
Ayon kay Tanseco, iisyuhan nila ng violation tickets ang lahat ng violators mula sa mga nagmamaneho nang may protocol license plates hanggang sa mga pasahero sa mga bus at jeep na bababa sa no loading at unloading areas sa EDSA.
Mismong ang Pangulo ng bansa aniya ay humihinto sa red light kaya’t dapat ay madisiplina ang lahat at walang pasensya o pakiusap.
By Judith Larino
