Nadagdagan pa ang antas ng tubig ng ilang mga dams sa Luzon sa nakalipas na magdamag.
Ayon sa PAGASA Hydrometeorology Division, pumalo sa 202.53 meters ang antas ng tubig sa Angat Dam kaninang alas-6 ng umaga —mas mataas ito kumpara sa 202.22 meters na naitala kahapon.
Nadagdagan din ang water level ng La Mesa, Binga, San Roque, Pantabangan at Magat dams.
Nabawasan naman ang antas ng tubig sa Ipo Dam mula 100.02 meters kahapon, ay nasa 99.86 meters na lamang ngayong umaga.
Nabawasan din ang water level ng Ambuklao at Caliraya dams.
Samantala, patuloy pa rin ang pagpapakawalan ng tubig mula sa mga dam ng Ambuklao, Binga at Magat.
