May sapat umanong rason para pagdudahan na sinadya ang water leak na naging sanhi ng pagkasira ng ilang dokumento at makina sa isang sangay ng Philippine Health Insurance Corp. (PhilHealth) sa Pangasinan.
Ito ang binigyang diin ni Sen. Panfilo Lacson matapos ibunyag ng Presidential Anti-Corruption Commission (PACC) na nagkaroon ng tagas ng tubig sa bubong ng tanggapan ng Philhealth sa nabanggit na rehiyon.
Kasabay nito, nanawagan si Lacson sa mga imbestigador ng PACC na magpasaklolo sa National Bureau of Investigation (NBI) upang makapagsagawa ng forensic investigation sa napinsalang gusali.
