Pinaghahanda na ng Manila Water ang mga customer nila sa Pasig City at Marikina City sa bawas supply simula mamayang gabi hanggang bukas ng alas-6:00 ng umaga.
Sa Pasig City, mawawalan ng tubig mula alas-10:00 mamayang gabi hanggang bukas ng alas-6:00 ng umaga ang bahagi ng Brgy. Kapitolyo tulad ng San Ignacio St., San Mateo St., San Juan St., San Francisco St., San Isidro St., San Luis St., San Vicente St. at San Gil St.
Sa Marikina naman, mawawalan ng supply mula alas-10:00 mamayang gabi hanggang alas-4:00 ng madaling araw ang bahagi ng Brgy. Malanday tulad ng Jocson Corner Kabayani at Tumana Corner JP Rizal.
Ang water interruption ay bahagi ng maintenance work sa mga nasabing lungsod.
By Judith Larino
