Inanunsiyo ng pamunuan ng Maynilad na pansamantala nilang ipagpapaliban ang water interruption sa kasunod ng kahilingan ng kanilang mga customer.
Una nang inihayag ng Maynilad na magkakaroon sila ng pag-aayos sa mga tubo sa darating na oktubre 25 hanggang oktubre 28 sa ilang mga lugar partikular na sa kahabaan ng Sobriedad Street sa bahagi ng Maynila pero kanila itong binago at iniurong sa oktubre 29, 2021 na tatagal hanggang sa nobyembre 1, 2021.
Layunin nitong magkaroon ng mahabang oras para makapag-handa ang kanilang mga customer sa ipatutupad na scheduled water interruption.
Kabilang sa mga maaapektuhang lugar ay ang 17 barangay sa Las Piñas City; dalawang barangay sa Bangkal, Makati City; mahigit 164 na barangay sa maynila; 20 barangay sa Parañaque City; mahigit 100 barangay sa Pasay City.
Bukod pa dito, apektado din ang ilang lugar sa Bacoor City, Cavite City, Imus City, Kawit Cavite at Noveleta sa Cavite. —sa panulat ni Angelica Doctolero
