Walang mangyayaring kudeta laban sa administrasyon ni Pangulong Rodrigo Duterte.
Ito ang inihayag ni Defense Secretary Delfin Lorenzana, kaugnay sa balitang pag-agaw ng mga militar sa gobyerno ng Myanmar.
Batay sa ulat, sinasabing isinagawa ng militar sa Myanmar ang kudeta dahil sa umano’y dayaan sa nakaraang halalan sa bansa.
Dagdag pa ni Lorenzana, malaki ang tiwala ng mga militar at pulisya sa liderato ni Pangulong Duterte.
Hindi naman pinangangambahan ng kalihim ang kudeta dahil mataas ang approval at trust ratings ng pangulo. —sa panulat ni John Jude Alabado
