Isang opisyal ng Cainta, Rizal ang patay matapos pagbabarilin kagabi.
Kinilala ang biktima na si Carlos Sale, 64-taon, Chairman ng Office of Senior Citizens Affairs ng Cainta.
Ayon sa Cainta Municipal Police, tinambangan ng mga lalaking sakay ng motorsiklo ang biktima sa barangay Santo Domingo, pasado alas-6:00.
Galing umano si Sale sa isang Valentine’s Day party at pasakay na sana ng jeep pauwi nang maganap ang insidente.
Inaalam na ng mga awtoridad kung may kinalaman sa trabaho ng biktima ang naturang krimen.
—-
