Nangunguna si Vice President Sara Duterte sa mga napupusuang kandidato ng mga Pilipino para sa 2028 presidential elections.
Batay sa pinakahuling pre-election survey ng WR Numero Research, nakakuha si V.P. Sara ng 31.4%; na sinundan nina Naga City Mayor Leni Robredo na may 13.3%; at Senador Raffy Tulfo na may 10.3%.
Samantala, nanguna naman si Senator Bong Go para sa vice presidential preference survey na may 16.2%; na sinundan nina Senador Raffy Tulfo, 14.9%; at Senador Bam Aquino, 8.4%.
Isinagawa ng survey sa mahigit 1,400 respondents sa bansa, nitong Hulyo a-bente nuebe hanggang Agosto a-sais.
