Ipinarating ni Vice President Jejomar Binay ang kanyang Christmas message sa mga Pinoy.
Sa kanyang mensahe, nanawagan si Binay ng panalangin para sa mga may sakit, nakatatanda at mga sanggol kasama na rin ang mga bilanggo.
Gayundin sa mga Overseas Filipino Workers na nangungulila sa kanilang mga kaaanak dito sa bansa.
Bukod dito, hindi rin naiwasang humaging sa pulitika ang ang kanyang Christmas message kung saan sumentro rin ito sa mga gaya niyang naglilingkod sa gobyerno.
Kung saan sinabi ng bise presidente na dapat nilang paunlarin ang bansa sa pamamagitan ng aniya’y tunay na pagbabago at pangmatagalang tulong sa publiko, hindi lamang ngayong magpa-Pasko kundi sa bawat araw aniya na naglilingkod sila sa pamahalaan.
Nanawagan siya sa isang gobyerno na aniya’y totoong naglilingkod sa mga tao kung saan ang mga mahihirap at mayayaman aniya ay kasabay sa pag-unlad ng bansa.
Binigyang-diin ng Pangalawang Pangulo na higit pa sa materyal na bagay ang esensiya ng Pasko at sa halip ay mas tungkol aniya ito sa pagbibigayan.
By Allan Francisco
