Hindi nakalusot sa Makati City Prosecutor’s Office ang sinampang kaso ng kampo ng Flight Attendant na si Christine Dacera na rape with homicide sa 11 sangkot sa pagkamatay nito.
Kawalan sa probable cause ang tinukoy na dahilan kung bakit hindi ito nakapasa sa pamantayan batay sa inilabas na resolusyon ni Makati City Prosecutor Joan Bolina-Santillan.
Matatandaang, Disyembre 31, 2020 nang mag-book sa Room 2209 sa City Garden Hotel si Dacera kasama ang mga kaibigan nito upang sumalubong sa bagong taon at ang lugar din kung saan namatay ang dalagita.
