Napapabayaan na umano ang ilang pampambulikong paaralan sa bansa, partikular ang 23 public schools sa Northern Mindanao.
Ito ang ibinunyag ng kampo ni Vice President Jejomar Binay sa gitna ng kakulangan ng mga palikuran sa mga eskuwelahan.
Ayon kay Joey Salgado, tagapagsalita ni Binay, sa oras na walang maayos na toilet sa isang paaralan, posible itong maging mapanganib sa kalusugan ng mga mag-aaral.
Bukod dito, hindi rin aniya sapat ang hand-washing facilities sa maraming paaralan kaya’t mismong ang Bise Presidente ang kumausap sa Department of Education (DepEd) na sundin ang mga panuntunan sa sanitation and health services.
Base sa report ng Commission on Audit (COA), inilarawan nito bilang weak and inconsistent ang pagpapatupad ng water and sanitation requirements sa mga eskwelahan sa Mindanao.
By Drew Nacino | Allan Francisco
