Ikinagulat umano ni Pangulong Rodrigo Duterte ang paghahain ng kanyang anak na si Davao City Mayor Sara Duterte – Carpio ng kandidatura sa pagka-bise presidente sa 2022 elections.
Nagtataka si Pangulong Duterte kung bakit bise presidente lamang ang tinarget ni Mayor Inday gayong nangunguna ito sa mga presidential survey.
Naniniwala ang punong ehekutibo na desisyon na ng kanyang anak at dating senador Bongbong Marcos ang pagsabak sa vice presidential race.
Iginiit naman ng pangulo na hindi niya susuportahan ang kandidatura ng alkalde bagkus ibibigay lamang niya ang kanyang suporta kay Senator Bong Go na tumatakbo namang pangulo sa ilalim ng PDP – Laban.
Aminado rin ang punong ehekutibo na naaawa siya kay Go dahil sa mga nangyayari kung saan ipinamalas nito ang katapatan at tagal sa serbisyo at paglilingkod sa bansa. —sa panulat ni Drew Nacino
