Tinawag na desperado ni Marinduque Representative Lord Allan Velasco ang naging hakbang ni House Speaker Alan Peter Cayetano na madaliin ang pagpasa sa ikalawang pagbasa ng proposed 2021 national budget.
Gayundin ang pagsuspinde ni Cayetano sa sesyon ng kamara at itakda ang pagbabalik nito Nobyembre 16.
Ayon kay velasco, desperadong hakbang ito ni Cayetano para manatili sa puwesto at kapangyarihan na isa aniyang mabigat na paglabag sa konstitusyon.
Batid na aniya ni Cayetano na hindi na nito nakukuha pa ang tiwala at kumpiyansa ng kanilang mga kapwa kongresista.
Dagdag ni Velasco, binaboy ni Cayetano ang institusyon na pinanumpaan nilang poprotektahan at igagalang.