Umaapela na ng karagadagang pondo sa national government ang pamunuan ng Valenzuela City.
Ayon kay Valenzuela City Mayor Rex Gatchalian, makakabuti kung maibibigay na sa kanila ang kanilang internal revenue allotment (IRA).
Sinabi ni Gatchalian na unti-unti nang nararamdaman ng syudad ang kakulangan ng pondo para ayudahan ang lahat ng kanilang mamamayan sa harap ng mas mahaba ang quarantine.
Bago anya ang lockdown ay nasa 33% lamang ang nakolekta nilang local revenues at hindi naman sila nakakolekta ng kanilang real property tax.
