Higit kumulang P20 bilyon ang utang ng Philippine Health Insurance Corporation (PhilHealth) sa mga pribadong ospital
Sa isang panayam, sinabi ni PHAPI President Jose Rene De Grano na simula Agosto mayroon nang utang ang Philhealth sa iba’t-ibang pribadong ospital sa buong bansa.
Ani ni de Grano, problema rin nila sa ahensiya ang konsepto ng reconcilement nito.
Dagdag ni de Grano may ilang mga ospital na ang napilitang mag-downsize gaya ng pagbabawas ng working hours upang maipagpatuloy ang operasyon sa gitna ng hindi pagbabayad ng mga claim ng ahensya.
Kalagitnaan ng Nobyembre inaasahang mag a-anunsiyo ang ilang mga apektadong ospital para sa plano ng mga ito sa susunod na taon. – Sa panulat ni Joana Luna
