Aminado si University of Santo Tomas Faculty of Civil Law Dean Nilo Divina na hindi niya alam kung sino ang may-ari ng gusali kung saan isinagawa ng Aegis Juris Fraternity ang initiation rites kay U.S.T. Law Student Horacio Castillo the Third.
Sa pagtatanong ni Zubiri kay Divina, iginiit nito na sampung taon na siyang hindi nakabibisita sa opisina ng Aegis Juris Fraternity sa kanto ng Laong-Laan at Navarra Street malapit sa U.S.T. campus.
Iginiit ni Divina, na isa sa mga miyembro ng Aegis Juris, na matagal na siyang hindi aktibo sa fraternity simula nang maging dean ng U.S.T. College of Civil Law.
Samantala, inihayag ni Manila Police District Director, Chief Supt. Joel Coronel na kanilang napag-alaman na isang pribadong indibidwal ang nagmamay-ari ng nasabing gusali pero bineberipika pa anya nila ito at inaalam kung miyembro rin ng fraternity.
Ulat ni Cely Bueno
SMW: RPE