Pinaka – pinagkakatiwalaan pa rin ng maraming Filipino ang Estados Unidos.
Ito ay batay sa isinagawang survey ng Social Weather Stations (SWS) nuong December 2017 sa 1,200 respondents.
Lumabas na 75 porsyento ng mga Pinoy ang nagsabing malaki ang tiwala nila sa US kumpara sa 14 na bansang kabilang sa survey.
Ayon sa SWS, nanatiling pumapabor sa Estados Unidos ang naturang survey simula pa nuong una itong mapabilang sa mga pagbobotohan nuong December 1994.
Samantala, pumangalawa naman dito ang Canada na nakakuha ng 65 porsyento na sinundan naman ng Japan na mayroong net rating na 54 na porsyento.
Nakakuha naman ang China ng pitong porsyentong tiwala sa mga Filipino.
Tumaas ito ng 20 puntos mula sa dating negative 13 na rating nuong September 2017.
