Gumagawa na ng hakbang ang Estados Unidos para sa patuloy na chartered flights sa bansang Afghanistan.
Ayon kay US Secretary of State Anthony Bliken, ito ay nakikita nilang paraan para mapadali ang pagpapauwi sa mga kababayan nila na naipit sa nasabing bansa.
Paliwanag pa ni Bliken na nagpapatuloy ang kanilang usapan sa pagitan ng Taliban buhat ng kubkubin ng grupo ang ang Afghan government.
Sinabi na ng Taliban na malayang makaaalis ang mga tao na lalabas sa kanilang bansa.—sa panulat ni Rex Espiritu