Ibabalik sa bansa ang base militar ng Estados Unidos sakaling maging Pangulo ng bansa si Davao City Mayor Rodrigo Duterte.
Ayon kay dating North Cotabato Governor Manny Piñol, sinabi ni Duterte na handa niyang ibalik ang base militar ng Estados Unidos sa bansa para resolbahin ang paghahari-harian ng China sa West Philippine Sea.
Gayunman, sinabi aniya ni Duterte na gagawin lamang niya ito sakaling hindi kilalanin ng Tsina ang magiging resolusyon ng United Nations sa usapin sakaling pumabor ito sa Pilipinas.
Samantala, federalismo naman ang nakikita ni Duterte na sagot sa problema sa Mindanao.
Ayon kay Piñol, naniniwala si Duterte na hindi magiging epektibo ang BBL o Bangsamoro Basic Law para magkaroon ng kapayapaan sa Mindanao dahil may magkakaibang paniniwala, kahit ang mga kapwa mga Muslim.
By Len Aguirre
