Naitala na ng Spain ang kauna-unahang domestic case ng Omicron Coronavirus variant.
Ayon kay Health Secretary Silvia Calzon, ito na ang pang-limang kumpirmadong kaso ng Omicron variant sa naturang bansa.
Matapos mahawa ng Omicron virus ang 72 anyos na lalaki sa Madrid, na walang travel history sa mga bansang kabilang sa “at-risk countries” gaya ng Lesotho, Zimbabwe at South Africa.
Ani Calzon, lumabas sa kanilang pagsusuri na ilan sa mga kaso ng bagong variant ay na-ipasa sa mga miyembro sa loob ng isang bahay, na isa sa itinuturing na dahilan ng pagtaas ng bilang ng Omicron variant sa European Union.
Sa ngayon, naka-quarantine na ang mga close contacts ng matanda. —sa panulat ni Joana Luna
