Naging marahas ang inilunsad na kilos-protesta laban sa mahigpit na public health restrictions sa germany sa gitna ng pagkalat ng COVID-19 Omicron variant sa Europa.
Pinagbabato ng bote at paputok ng nasa 500 demonstrador ang mga pulis gaya sa lungsod ng Bautzen.
Ayon sa German Police, 12 sa kanilang hanay ang nasugatan at 12 emergency vehicles nila ang napinsala.
23 katao naman ang inaresto at halos 200 iba pa ang kinasuhan.
Inilunsad ang kaliwa’t kanang protesta sa Germany habang naghahanda ang Europa sa posibleng paglobo ng panibagong COVID-19 cases sa pagsalubong sa bagong taon. —sa panulat ni Drew Nacino
