Hiniling ng dalawang mambabatas sa mababang kapulungan na siyasatin ang umano’y midnight deal na pinasok ni Transportation Secretary Joseph Emilio Abaya.
May kaugnayan ito sa mabilis na pag-aapruba ng DOTC sa P3.8 billion pesos maintenance contract para sa Metro Rail Transit o MRT 3.
Kapwa inihayag nila Bayan Muna Partylist Rep. Neri Colmenares at Carlos Zarate na nakagugulat at nakapagtataka ang pagkakaroon ng dalawang failure of bidding ng DOTC upang maipasok ang emergency procurement para sa naturang mass transit.
Kinastigo rin ni Colmenares si Abaya dahil sa anito’y kapabayaan ni Abaya sa MRT 3 dahil sa walang Pilipinong kumpanya ang pinayagang makapasok sa maintenance contract sa halip mas nagtiwala pa aniya sa mga dayuhang kumpanya.
By Jaymark Dagala
