Nakatakdang ipatawag ng House Committee on Rules ang ilang mga opisyal ng DPWH o Department of Public Works and Highways sa lalawigan ng Sorsogon.
Ito’y para isailalim sa pagbusisi ng mga mambabatas ang multi-bilyong pisong flood control project sa lalawigan na isiningit umano sa pambansang budget ni DBM Secretary Benjamin Diokno.
Ayon kay House Majority Floor Leader Rolando Andaya na chairman din ng naturang komite, posible kasi aniyang nagkaroon ng sabwatan sa pagitan ng mga opisyal ng DPWH at si Diokno para maisingit ang naturang proyekto.
Binigyang diin pa ni Andaya na ang nangyaring pagdinig sa Naga City noong nakalipas na linggo ay lumikha lamang ng mas maraming tanong kaysa sa kasagutan upang malinawan ang usapin.
