Patay ang umano’y dating asawa ng drug lord na si Kerwin Espinosa.
Sa ulat ni Police Regional Office 7 Director Chief Superintendent Noli Talino, binaril kahapon si Annalou Llaguno sa Carlock Street, barangay Duljo, Fatima, Cebu City.
Ayon kay Talino, sakay sa motorsiklo si Llaguno kasama ang kaniyang umano’y boyfriend na si Joseph Romarate nang bigla na lamang bumuntot ang isa pang motorsiklo na may sakay na tatlong katao.
Pinagbabaril umano si Llaguno.
Naisugod pa ito sa ospital ngunit idiniklarang patay na.
Batay sa report ng PNP, naging girlfriend din ng pinatay na central visayas drug lord na si Jeffrey “jaguar” Diaz si Llaguno.
By: Avee Devierte
