Irerekomenda ng Department of Health (DOH) ang pagsama sa United Arab Emirates (UAE) sa listahan ng mga bansang mayroong travel restrictions.
Ito ay matapos ma-detect ang UK variant sa isang Pinoy na nanggaling sa UAE.
Ayon kay Health Undersecretary Maria Rosario Vergeire makakatulong ang hakbangin para mapag-aralan pa ang UK variant, malaman kung mayroong iba pang indibidwal na apektado ng variant at paghandaan ang healthcare system sakaling may makitang pagtaas ng kaso.
Ang travel restriction ay nakatakdang mapaso bukas, January 15 at wala pang anunsyo ang gobyerno kung palalawigin ito.
