Nangangamba si Senate Majority floorleader Juan Miguel Zubiri na hindi umubra ang COVID-19 vaccine na may 50% efficacy rate lamang.
Ayon kay Zubiri dapat ikunsidera ang epektibong bakuna na bibilhin ng gobyerno lalo na’t nakapasok na sa bansa ang UK variant ng COVID-19.
Kabilang dito aniya ang mga bakunang nakatapos na ng phase 3 ng clinical trials at mataas ang kanilang efficacy rates tulad ng Pfizer, Moderna, AstraZeneca, Gamaleya At Novavax.
Sinabi ni Zubiri na dapat ding maging gabay ng gobyerno sa pagpili ng mas ligtas, mas epektibo at kung saan masusulit ang pera sa pagbili sa bakuna.