Ibinabala ng Japan ang posibilidad na tuluyang masakop ng China ang buong West Philippine Sea.
Ito, ayon kay Japan Maritime Self-Defense Force Commander, Admiral Tomohisa Takei, ay kung gagamitin ng Tsina ang mga ginawa nilang artificial island bilang military base o facility.
Ayon kay Takei, mahalagang matiyak na umiiral ang malayang paglalayag sa West Philippine Sea sa lahat ng oras upang mapanatiling kapayapaan sa Indo-Pacific at Asia-Pacific Region.
Sa oras aniya na malagay sa alanganin ang freedom of navigation sa nabanggit na karagatan ay maaaring sumiklab ang hindi inaasahang insidente tulad ng digmaan.
Bagaman hindi claimant ng Spratly Islands, may territorial dispute din ang Japan sa China sa East China Sea partikular sa Senkaku o Diaoyu Islands.
By Drew Nacino
