Nakukulangan ang Trade Union Congress of the Philippines o TUCP sa alok na 200 pisong subsidiya kada buwan ng Department of Labor and Employment o DOLE para sa lahat ng mga manggagawa.
Giit ng grupo, kulang na kulang ang alok na subsidiya ng gobyerno para matustusan ng mga manggagawa ang pang araw-araw nilang mga pangangailangan.
Pero ayon kay TUCP Vice President Luis Manuel Corral, hindi subsidiya kung hindi dagdag suweldo ang kanilang hinihiling sa gobyerno dahil band aide solution lamang ang alok na ito ng DOLE.
Kasalukuyang isinusulong ng ALU-TUCP ang 320 pesos na across the board wage increase na inihain nila sa National Wages and Productivity Board.
—-