Walang anumang nararamdamang sintomas ng Coronavirus Disease (COVID-19) si US President Donald Trump.
Ito ang inihayag ng doktor ni Trump, isang araw matapos itong bumalik ng White House mula sa pagkaka-ospital dahil sa virus.
Ayon kay US Navy Commander Sean Conley, nakipagkita si Trump sa grupo ng kanyang mga doktor nitong umaga ng Martes.
Nakapagpahinga din aniya ng maayos si Trump sa unang gabi ng pagbabalik niya ng White House.
Dagdag ni Conley, pangkalahatang nasa pinakamaayos na kalagayan si Trump kung saan nanatiling stable ang vital signs at resulta ng physical exam nito.
