Plano munang ayusin ng Metropolitan Manila Development Authority (MMDA) ang problema sa daloy trapiko bago hulihin ang mga abusadong motorista sa holiday season.
Ito, ayon kay MMDA acting Chairman Don Artes, ay upang maibsan ang mabigat na daloy ng trapiko sa mga pangunahing kalsada sa Metro Manila.
Pinagbawalan na rin ni Artes ang mga traffic enforcer sa paggamit ng cellphone habang naka-duty upang maging mas maayos at epektibo pa ang kanilang trabaho.
Ipinag-utos na rin niya ang pagtapal ng steel plate sa mga binutas na kalsada upang madaanan ng mga motorista. - sa panunulat ni Hannah Oledan
