Tiniyak ng liderato ng Philippine National Police o PNP na magpapatuloy ang magandang ugnayan sa pagitan nila at ng Philippine Drug Enforcement Agency o PDEA laban sa iligal na droga.
Ito ang inihayag ni PNP Chief P/Gen. Guillermo Eleazar na nagtiyak na hindi sila patitinag sa mga sindikato ng iligal na droga sa pagkakasa ng operasyon kahit nagpapatuloy ang kanilang transaksyon sa gitna ng pandemiya.
Batay sa datus mula sa Real Numbers Philippines, aabot sa 62.22 bilyong pisong halaga ng shabu ang nasasabat ng mga awtoridad, kabilanbg na ang 8,134.61 kilogram ng shabu na nagkakahalaga ng P51.33 bilyon.
Nasa 12,849 na mga High Value Targets ang nalambat ng mga alagad ng batas mulsa sa kabuuang 303,154 naaresto sa mga ikinasang operasyon habang nasa 6,182 naman ang nasawi.
Patuloy ang ilegal na gawain ng mga sindikato ng droga sa panahon ng pandemya. Kaya hindi rin natinag ang PNP at PDEA at patuloy na nagsasagawa ng mga operasyon laban sa kanila. Hindi pa tapos ang laban sa droga, subalit napakalaki na ng pinagbago ng sitwasyon ng ilegal na droga sa ating bansa. At hindi rin maikakaila na ang ating tagumpay sa kampanyang ito ay nag resulta ng napakalaking pagbaba sa mga kaso ng krimen batay na rin sa datos ng ating PNP. Mananatiling alerto at agresibo ang PNP at PDEA laban sa mga sindikatong ito dahil ang kinabukasan ng ating mga kabataan at ng ating bansa ang nakataya dito.
Ang tinig ni PNP Chief P/Gen. Guillermo Eleazar. — ulat mula kay Jaymark Dagala.
