Ibinasura ng Court of Appeals ang petisyon ng pamilya Marcos na ipatigil ang pagdinig ng Makati Regional Trial Court sa kasong isinampa laban sa kanila ng mga biktima ng Martial Law.
Kaugnay ito sa pagpapatupad ng pinal na desisyon ng isang korte sa Amerika na nag-aatas sa pamilya Marcos na bigyan ang mga biktima ng dalawang bilyong dolyar na danyos.
Hindi pinagbigyan ng Appellate Court ang hiling ng pamilya Marcos na palawigin ang paghahain ng petisyon para kuwestyunin ang naging desisyon ng Makati RTC.
Taong 1995 pa nang magpasya hinggil dito ang US court ngunit kailangan pa itong kilalanin ng korte sa Pilipinas bago ito tuluyang maipatupad.
By Jaymark Dagala
Photo Credit: AP
