Sasailalaim sa isang pagsasanay ang mga driver-partner ng Grab Philippines.
Ayon kay Grab Head Brian Cu, ito ay bilang aksyon sa kabi-kabilang reklamo at batikos na kanilang natatanggap kaugnay sa kanilang ibinibigay na serbisyo sa kanilang mga mananakay.
Sinabi ni Cu, na sa ilalim ng kanilang inilunsad na “Grab Driver Academy” magkakaroon ang mga driver ng refresher course hinggil sa maayos na pagmamaneho gayundin ang kaalaman sa first aid.
Aminado rin si Cu na kulang ang mga pumapasadang unit para serbisyuhan ang napakaraming mananakay kaya’t ginagawa nila ang lahat ng hakbang upang makapang-hikayat din ng mga dagdag na grab driver.
Nakatakdang magsagawa ng assessment ang Grab para malaman ang resulta ng naturang plano.
