Pinayuhan ni Finance Secretary Carlos Dominguez si Environment Secretary Gina Lopez na balansehin ang kanyang trabaho.
Ayon kay Dominguez, dapat batid ni Lopez na iba ang kanyang pagiging kalihim ng Department of Environment and Natural Resources (DENR) sa kanyang pagiging environment crusader.
Dapat din aniyang tiyakin ni Lopez na makabubuti sa mas nakararami ang kanyang mga bibitawang desisyon upang walang maapektuhan sa kanyang mga gagawin.
Magugunitang dalawampu’t walong (28) mining companies ang ipinasara ni Lopez habang nasa pitumpu’t limang (75) kontrata naman ng mga minahan ang kanyang pinakansela sa unang bahagi ng taon.
By Jaymark Dagala
