Pumalo sa ‘all time high’ ang bilang ng mga turistang bumisita sa Pilipinas sa nakalipas na taon.
Ayon sa DOT o Department of Tourism, nasa mahigit pitong milyong turista ang dumating sa bansa noong 2018 at halos walong porsyento itong mas mataas sa kumpara sa mahigit anim na milyong turista noong 2017.
Ayon kay Tourism Secretary Bernadette Romulo-Puyat, tila ‘blessing in disguise’ ang pagkakasara ng Boracay ng anim na buwan dahil napagtuunan ng pansin ang iba pang tourist destination ng bansa.
Nananatili namang South Koreans ang numero unong turista na dumating sa bansa noong isang taon na nasa mahigit 1.5 million.
Pumangalawa naman ang China na may 1.25 million at Amerika na 1.03 million tourist.
Ang mga nasabing turista ay dumagsa sa bansa ng January at December 2018.
