Nadakip ng pinagsanib na pwersa ng Warrant & Subpoena Section at Intelligence Section ng Las Piñas Police ang isang lalaki na matagal nang tinutugis ng batas dahil sa kasong rape kasunod ng ikinasang operasyon sa Batangas.
Ayon kay PBGen. Jimili Macaraeg, Director ng Southern Police District (SPD), ang akusadong si Jomari Pasagui ay No. 3 Most Wanted Person ng Las Piñas PNP dahil kasong rape.
Matapos ang krimen ay nagtago ito sa Brgy. Santiago, Sto. Tomas, Batangas kung saan nahuli ng mga awtoridad.
Nakakulong na ngayon sa Custodial Facility ng Las Piñas PNP ang akusado habang hinihintay ang commitment order mula sa korte na siyang may hawak ng kanyang kaso.
