Tone – toneladang mga basura ang nahakot sa Manila North Cemetery.
Tinatayang 15 trak ang dami ng basurang nahakot sa loob ng sementeryo, samantalang nasa animnapu’t limang (65) garbage bags naman ang nahakot sa labas ng sementeryo.
Ayon sa pamunuan ng Manila North Cemetery, mas konti kung tutuusin ang mga hinakot nilang basura dahil umabot lamang sa 1.2 milyon ang taong dumalaw sa Manila North Cemetery kumpara sa 1.8 milyon noong nakaraang taon.
Samantala, madalang na ang mga taong nagtutungo sa Manila North Cemetery ngayong umaga ng Huwebes, Nobyembre 2.
Ito ay dahil sa pagbabalik normal na rin ng pasok sa mga paaralan at trabaho.
