Asahan nang magiging malakas ang pwersa ng Los Angeles Lakers sa susunod na season ng National Basketball Association o NBA.
Ito’y matapos lumagda si Russian Center Timofey Mozgov ng four-year deal sa Lakers sa halagang 64 Million Dollars.
Si Mozgov na 29-anyos at 7-foot-1 ang taas ay malaki ang naging bahagi sa NBA title run ng Cleveland Cavaliers noong nakaraang season.
Ayon kay Lakers General Manager Mitch Kupchak, malaki ang maitutulong ni Mozgov sa depensa ng kanilang koponan.
Nag-a-average si Mozgov ng 6.3 points at 4.4 rebounds sa piling ng Cavaliers sa kanilang championship campaign.
By: Jelbert Perdez
