Tagumpay nang nailigtas ang lahat ng labindalawang (12) batang lalaki na miyembro ng isang soccer team at kanilang coach na na-trap sa kuweba sa Thailand.
Ayon sa Thai Navy Seals, ligtas na nakalabas ng kuweba ang huling apat na bata at kanilang coach na na-nirescue kahapon.
Pagkalabas ng mga bata ay agad silang dinala sa pagamutan.
Tumagal ng mahigit dalawang linggo ang rescue operation sa mga bata na bumubuo ng Wild Boar Team matapos ma-trap sa loob ng kuweba dahil sa pagtaas ng lebel ng tubig sa loob.
Nasawi naman ang isang diver matapos itong magdala ng oxygen sa loob ng kuweba.
—-
