Itinanggi ng Malakanyang na paghihiganti ang layunin ng ika-30 selebrasyon ng EDSA People Power revolution laban sa pamilya Marcos.
Sinabi ni Presidential Communications Secretary Sonny Coloma, walang batayan ang bintang na politics of revenge ang tema ng selebrasyon dahil sa pagpapaala sa madilim na bahagi ng kasaysayan noong panahon ng martial law.
Ang isyu aniya dito kalayaan at katarungan kayat mahalagang matuto sa mga aral ng kasaysayan.
Bahagi ng selebrasyon ang pagtatatag ng experiential museum upang masaksihan at maranasan ang iba;t ibang aspeto ng kalupitan at karahasang umiral noong panahon ng martial law.
By: Aileen Taliping (Patrol 23)
