Kasado na ang mga paghahanda para sa taunang Panagbenga o Flower Festival sa Baguio City.
Ayon sa Committee on Tourism, special events, parks and playgrounds ng Baguio City, mahigpit ang ipatutupad na seguridad sa mga nakahanay na aktibidad.
Ilan sa mga aabangan para sa Panagbenga sa taong ito ay ang Grand Street Parade sa Pebrero 25 habang ang sa Linggo, Pebrero 26 naman ang Grand Float Parade.
Kasunod nito, paiigtingin din ng DSWD o Department of Social Welfare and Development ang kanilang pagbabantay sa pamilya ng mga Badjao sa nasabing lungsod.
Ito’y dahil sa posibleng samantalahin ng mga katutubo ang dagsa ng mga turista sa lugar para mamalimos.
By Jaymark Dagala
