Ilulunsad ngayon ng Petron ang taunan nilang lakbay alalay para sa mga motoristang mag uuwian sa probinsya ngayong Semana Santa at sa mga magbabakasyon para sa summer season.
‘Kasama mo sa biyahe’ ang tema ngayong taon ng Petron lakbay alalay kung saan, magkakaroon ng libreng safety check, medical assistance, 15 minutong masahe at iba pang freebies ang mga motoristang hihinto sa kanilang mga itinalagang Petron lakbay alalay sites.
Ang lakbay alalay ay tatlong (3) dekada na ring isinagawa ng Petron sa tuwing sumasapit ang Semana Santa na karaniwang nagiging hudyat ng pagsisimula ng mahabang bakasyon sa panahon ng tag-init.
Para ngayon taon, pinalawak pa ng Petron ang sakop ng kanilang lakbay alalay, hindi lamang sa Luzon kundi kasama na rin ang Visayas at ang Mindanao.
By Len Aguirre
