Isang lalaki at pitong buwang gulang na anak nitong babae ang patay matapos pagbabarilin ng hindi mga nakilalang lalaki sa Midsayap, North Cotabato.
Kinilala ang mga biktimang sina Musa sadang, 44 na taon at anak nitong Malaiha habang nasugatan ang kanilang mga kaanak na sina Jehan Buacan, 18 taon; Melanie Buacan, 13 taon at Princess Kusa, 10 taon.
Ayon kay Supt. Gilbert Tuzon, hepe ng Midsayap Municipal Police, naghahapunan ang mga biktima sa labas ng kanilang bahay sa Barangay Malingao nang sumulpot ang mga hindi nakilalang lalaki.
Inaalam na kung ano ang motibo sa krimen at pagkaka-kilanlan ng mga salarin.
