Inaasahan na ng Commission on Elections ang pagdami pa ng mga maghahain ng kandidatura para sa Barangay at Sangguniang Kabataan elections, tatlong araw bago ang deadline ng filling sa Biyernes, Abril 20.
Ayon sa COMELEC, sa Maynila pa lamang ay inaasahan na nilang aabot sa 25,000 ang maghahain ng Certificate Of Candidacy pero nasa 4,000 pa lang ang nag-file simula noong Sabado.
Sa kanilang tanggapan sa Arroceros, Maynila, patuloy ang dagsa ng mga tatakbo sa Barangay at SK polls kaya’t pinapayuhan ng poll body ang mga motorista na iwasan munang dumaan sa naturang lugar.
Inabisuhan din ng COMELEC ang mga magpa-file na huwag ng hintayin ang deadline upang maiwasan ang napakahabang pila.